caleyando

inauguro la web con una bona caleyada. Nun son pocos los que saben lo que me presta la zona Fuensanta, nun hai meyor escusa que dir a llenar el bote pa aprovechame y, pocu a pocu, meteme per eses caleyes.

una d’elles, la que xube direcion al mayau pastor ya ta mediu esplorada, aunque espero que pal veranu puea llegar lo más arriba posible. Pero’l otru día dime cuenta de la pista que va paralela al ríu, nun se si ye que taba cegáu cola pendiente de la que va monte arriba, pero el casu ye que hasta’l otru día que fui con ales nun me meti por ella, pero sólu vimos el principiu, hasta dexar atrás la nave de la embotelladora.

por fin, el sábadu, cola compañia de Ania y Armando, pusi rumbu a fuensanta cola intención de siguir esi camín, que según los cartelos, habría llevame a Piloñeta siguiendo’l cursu’l ríu Pra, pasando pel palaciu La Ferrería.

Cruzamos la puente y garramos el camín de grava fasta una portiellona que va dar al palaciu.

al paecer ye del opus y de veranu van ellí guah.es de campamentu. Así a primera vista paecerá un rollu, pero ye que al llau’l palaciu hai una piscina, una panera, una cancha tenis, picaderu caballos…

Dempues de dar unes vueltes per ellí sin saber pa onde tirar, decidimos desmontar de les burres y dir per un camin de piedra monte pallá. En cuantu pudimos montar otra vez, alcontramonos con un cruce… ania piensa que lo meyor ye dir pa la derecha, a ver si salimos del bosque, pero viendo un senderín de menos d’un metru d’anchu, llenu fueyes y oricios a la izquierda…. la decisión taba clara.

Esto nun fizo mas que metenos mas pal monte, lo que nun impidió que vieramos ciertos desechos , xubimos una rampa de ramal, fozando a mas non poder, y rodando rodando…acabose’l camín y seguía’l bosque. La unica salida yera tirar parriba pa salir pa dalgún pueblu.

Abrimos una portiella con cuatro estaques y dos alambres pa pasar a un prau y llimpiar con un palu les botes pa poder volver a enganchar nos pedales, cruzamos el prau y a saltar otra alambrada, total, pa tener que saltar llueu otra, lo malu que mas alta…así que a pasala pol mediu. Por fin, esbrozamos un prau y llegamos a un güertu con un camin d’escombru pel mediu.

Por fin llegamos a un pueblu, bar peñamayor, onde coyones taremos?…sólu pasó un istante pa ver apaecer a Aurelio, Piloñeta!

hai qu’echa-y coyones, pero ye que cuando s’abre una portiella…nun se pue mirar p’atrás.