caleyando

Bonu, dempues d’un tiempu de descansu y reflesión, ya m’animé a comentar la vuelta, aunque nun hebo motivos pa tar desanimáu.

El vienres amaneció un bon día, que nun se torció hasta llegar el momentu de vestise pa la carrera…dexé les botes nel hotel, así que en lo que Soto foi por elles y volvió, tuvi que salir en playeros, de La Vega Riosa hasta Sotu Ribera, onde por fin vi a Soto con unes botes pel aire, que nun sabía si diba damelas o tirame con elles.

Cambiamos el calzau en 3, 2, 1 y a tope p’arriba a mediu calzar pa nun perder muchu tiempu en El Condao, nun fici mas que adelantar xente, hasta coronar, un pocu de llanu y el últimu repechu pa llegar al Caleyu, per ellí pesque una grupeta onde diba Nardín, pero diben perdespaciu y cada vez que tiraba yo dexaben un güecu y tenia que ponese Nardin a tirar. Por fin garré al pelotón, en llegando a Mieres, tuvi un poquitín pela oficina, hasta que me llamaron pa dir a tirar, que marcharon unos guah.es y nun mos val… nun se cuantos kilometros tiramos, de un cachu pa baxu de Mieres, a Campumanes y hasta pasar otra vez Mieres pero en sentíu contrariu.

Ya quedaba pocu pa llegar a la zona caliente de la etapa… (da-y al botón pa seguir), y yo paez que ya taba un pocu en sin fuelle, así fue que xubiendo pa Riosa ya me quede y entré pal puertu (Viapará, la primera parte de L’Angliru) xustu detrás del grupu. Xubí con calma, a lo que pa mi n’esi momentu yera un bon ritmu, nun pase mucha xente, algunu pasábalu, pasábame, pasábalu… coroné con un d’azul yo creo y un Paulino, taba ellí Jose con agua y aquarius pa dar, vaya bonu que ta el aquarius en carrera, aunque seya’l sosu…

Como paez qu’esto ocupa munchu, habrá que dir recortando, baxé pa Buslloñe, xubi El Cogollu a Los Alfilorios, pesque a la parte d’arriba a un grupin y pare a un guardia pa garrame un pocu d’él, ya me conocía de cuando cambie les botes…baxé con un León y fuimos xuntos casi hasta meta, pasonos un Noja que decía que se cagaba y al final paselos a toos pa entrar yo sólu en meta. 16´18´´

El sábadu salimos pensando en da-y la vuelta a la tortiella, ygarrar el lideratu. A mi tocabame tirar dempues de baxar Trapa (Santiso) hasta llegar a la Collaona, tuvi tola carrera tocandome los tolanos, corone Trapa con Gon xustu detrás del grupu, Gon metiose enseguida p’allá, pero yo, demostrando el mio dominiu de les superficies moyaes, fuí quedandome pocu a pocu más p’atrás. Al final llegue a baxu con una grupetina con 5 o 6 GDS, Xingu y Gon, que como bien siendo habitual, fostió dempues de decir a Cuco: nun toques tantu’l freeeeenu.

La Collaona xubimosla en grupeta, siempre hai dalgunos que quieren dir más rápidu, pero a esos miramoslos mal y ya ta. Pasamoslo bien y tou. Muncho llovió esi día.

Al llegar a meta entereme de que ganara Pupilo y que-yos sacara una buena ventaxa, mañana tocaba defender el lideratu y ganar la vuelta. 16´16´´

El domingu salimos de La Pola controlando’l pelotón, yo ya taba fartucu y quería dexar alguna escapada que garrara algo ventaxa, pero taben necios, y nun valía ninguna. Al final fue una que tuvo que valir, mas que na, yo creo, porque ya garraron un pocu más de marxen, y hubo que dexalos.

Llegamos a Mieres tirando del pelotón y pusose Cuco a marcar ritmu, pero a Chemi paecio-y pocu, que tamien había que ganar la montaña, y enfiló’l paquete. Diba bien colocáu, así qu’al final dexeme un pocu p’atrás pa guardar fuercies, que de Frieres a Veguín ye un terrenu duru. Pasé palantre cuando pudi y pusime a tirar colos demás,hasta entamar la xubida pa San Esteban, xubimos a buen ritmu, sin munchos acelerones y aguante bastante bien, baxamos per La Manxoya y tocome dar el relevu dende el repechu pa El Caleyu, qu’arranco Josu Azysa, hasta un pocu pel llanu que llegaron los refuerzos. Diendo pela carretera Riosa, como vien siendo habitual ya me quede, reventáu, fixi un pocu paripé y m’agarre al coche’l médicu un pocu. El Cordal xubilu tranquilamente falando con Paco, la baxada nun foi peligrosa, primero porque taba seco, y segundu porque cuando vas a 10´nun ye plan de matase, aunque algo cubierta quemamos pela parte d’arriba. 13´29´´

Pupilo ganó la vuelta, Chemi la montaña y por equipos terceros, yo perdí casi tres cuartos d’hora, pero , nun siendo’l segundu día, col trabayu cumplíu.