caleyando

siempre n’estáu d’espera…

Diba ser un día épicu, con meta a 1520 metros d’altor, allá onde acaba lo conocíu. Esti miercoles 19 alcontramonos Nardín y yo per Viella, y con Jurgën, Danilo y Xingu en El Berrón. La Gargantá en sin priesa y llenamos los botes na baxada. Garramos Nalón p’arriba, que siempre ye mui prestosu, hasta pasar La Pola pa cruzalu pel puente La Chalana…eso si que presta, aunque esta vez nun canté al pasar, canté al parar na fuente Entrialgo. De la que recargábemos pasó una grupeta con un faltosín que nun se que decía de bolses…

Tomamos camín pa Villoria y pescamos a la grupeta d’antes, llueu de tenelos pasaos volvió a soltala el faltosín, qu’amás debe ser graciosu. Tolivia y entamamos la xubía. Los dos primeros kilometros son duros y Jurgën y Xingu, nun ataque de valentía, tomen la delantera, yo nun voi finu y sigo la rueda Danilo, Nardín vien tamién. Paso un relevu, pasa Nardín y queda atrás pa nu subir munchu’l pulsu. Sigue tirando Danilo y vamos viendo a los escapaos. Tiro y nos acercamos, Nardín vien manteniendo la distancia, tenemoslos a tiru y baxo un diente, pescamoslos baxo dos dientes y arranco fuerte, demasiáu fuerte, siento alguien detrás, Jurgën y Xingu, subo piñones y mantengo’l ritmu, quedase Jurgën, ya tamos llegando y se que Xingu va ganame al esprint, un diente menos, avanzo, miro y voi sólu, cuando ya me confío meto’l piñón grande y miro con tranquilidá’l cartel: La Collaona 850m.

Reagrupamos y vamos pa Cabanaquinta, remontamos el ríu Ayer, pocu a pocu, vamos ganando metros, Felechosa, agua, Cuevas y entama’l puertu , queden 11 kms hasta’l Puertu Braña (p’allá del cordal ye santu). Hai aire, de sur, pero paez qu’equí arriba ye más frescu. Yo voi sin ganes, Jurgën sin fuercia, Nardín nun se como va, pero nun va munchu; Danilo tira de nosotros, ye’l que más ganes tien de llegar arriba. Xingu nun tien tantes ganes, pero a la gueta d’una ya tradicional esplosión, vase sólu. Nostros mantenemos un ritmu cómodu, qu’entovía queda. Pa Jurgën nun ye tan cómodu y quedase un pocu, pa volver pescanos y volvese quedar. Tamos no más duru, un kilometru de casi un 10% de desnivel, pasamosu y vemos al fondu la nube, chispea, ta negru arriba, hai que (more…)

Dempues d’una semana d’entrenu, per dalgun sitiu guapu y cercanu, como la subida d’Hevia a Molleo pa baxar a Ciañu, La Camperona, La Casilla; y una carrera en Cancienes, volvimos tar de vuelta en vuelta, que más bien podía llamar espiral, porque nunca diera tantes vueltes n’una mesma vuelta…

Salimos al través de la reserva natural de las marismas, güel a escabeche, prontu se fae una escapada, pero nun voi finu, así qu’espero un pocu y como al km 10 arranco a ver si los pillo, en sin alcordame del conseyu’l mio director de qu’esperara tranquilu a pasar el primer puertu. Paso a un par d’ellos y nun me siguen la rueda, voi acercandome a la escapada, tornamos a la izquierda y… comienza puertu, miro p’alantre y veo que nun m’acerco, miro p’atrás y veo al pelotón enfiláu… son sólu 2 kms, pero son bastantes pa dir quedando a cola y xustu al final, cuando lo más suave de la xubida, quedame atrás.

Unos 5 kms, calculo, persiguiendo con Cuco y otru chaval y por fin toi otra vez nel pelotón, alcuerdome de cuando intente garrar aquella escapada, que por supuestu, pillaronlos tamien nel puertu (La Mortera, una de tantes). Hai dalgun repechu duru per ehí y salimos a la xeneral, de vuelta pa la capital de la Trasmiera. Baxo al coche por botes, unu pa la bici, otru pa la bici, unu pal bolsillu, otru pal bolsillu, unu pa dentro la camiseta…pinché, si, si, que pinché, que pensaben que taba de broma y nun me creíen. Total que paro, cambio la rueda d’atrás, y a perseguir al pelotón cargáu con 5 botes y en sin albarda. Al ratu, metíu ente coches llego al grupu y reparto agua a los compañeros, cuando me doi cuenta que paez que falta xente, partiose el pelotón en dos. (more…)

Bonu, dempues d’un tiempu de descansu y reflesión, ya m’animé a comentar la vuelta, aunque nun hebo motivos pa tar desanimáu.

El vienres amaneció un bon día, que nun se torció hasta llegar el momentu de vestise pa la carrera…dexé les botes nel hotel, así que en lo que Soto foi por elles y volvió, tuvi que salir en playeros, de La Vega Riosa hasta Sotu Ribera, onde por fin vi a Soto con unes botes pel aire, que nun sabía si diba damelas o tirame con elles.

Cambiamos el calzau en 3, 2, 1 y a tope p’arriba a mediu calzar pa nun perder muchu tiempu en El Condao, nun fici mas que adelantar xente, hasta coronar, un pocu de llanu y el últimu repechu pa llegar al Caleyu, per ellí pesque una grupeta onde diba Nardín, pero diben perdespaciu y cada vez que tiraba yo dexaben un güecu y tenia que ponese Nardin a tirar. Por fin garré al pelotón, en llegando a Mieres, tuvi un poquitín pela oficina, hasta que me llamaron pa dir a tirar, que marcharon unos guah.es y nun mos val… nun se cuantos kilometros tiramos, de un cachu pa baxu de Mieres, a Campumanes y hasta pasar otra vez Mieres pero en sentíu contrariu.

Ya quedaba pocu pa llegar a la zona caliente de la etapa… (da-y al botón pa seguir) (more…)

Valga esta entrada como adelantu de lo que venga.

El vienres habrá que ver apaecer en cuantu se puea El Monsacru, tener cuidáu de non despeñase per Buslloñe, pasar como’l que nun quier la cosa pelos Alfilorios y pa La Vega como un tiru, en sin mirar pa lo que venga detrás o lo que ande per delantre.

Sábadu, esti día igual valía pa una tema nueva, por desconocíu. Caudal parriba y pabaxu como tolos díes, xubir pel Nalón y vuelta pal Caudal pel Ayer, habiaendo pasáu primero pela republica independiente más famosa d’Asturies, xuntu a los montes d’Urbiés.

Pa finar, poca novedá, el Caudal per un llau y pel otru, arrimase un pocu a la capital, pero sin manchase, Caudal parriba, probablemente la baxada más peligrosa que faiga en tou’l añu, y sin tiempu a garrar aire, meta.

Ayer, Mieres, Morcín, Riosa, La Ribera, Uviéu, Llangréu y Llaviana; El Condao, Viapará, El Cogollu, El Condao, Trapa, La Collaona, San Tiso, San Esteban y El Cordal, trescientos sesenta kilometros y trescientos sesenta grados, esti fin de selmana voi dar una vuelta.

El vienres pela tarde ñació un plan. Tal vez nublaos pola influecia del mate, tal vez peranimaos pola facilidá del deporte na play, marcamos la ruta. Lo únicu non suxetu a variables: a les 9:00 en La Gruta.

A les 8:30 pongome’n marcha, de manga y pierna corta, con un periódicu’n pechu, confío’n que llevante la ñebla, y que eses gotes que noto de vez en cuando, nun seyan nada.”ya pue abrir” pienso cuando veo llegar al restu con alguna chaqueta, mangues y perneres; si non, la que m’espera va ser fina.

Ponemos rumbu a Trubia, pa xirar a la esquierda direición Proaza, sigue zarráu, cuando nun se como, en dexando atrás una peña apaez un cielu azul, en sin rastru de nubes. Paez qu’entamamos a calentar…

En Caranga decimos adiós a la ruta que teniamos pensada el vienres pela mañana, Cobertoria y lo que viniera pela cuenca.

Vamos pa Teberga, La Plaza, unos 7 kilometros suaves parriba, hasta llegar a La Cueva Güerta, onde una baxadina nos planta de repente nuna rampa del 12%. Dexamos que marche Pupilo y que lu intente seguir Ornimans, pa que se crezan. Sete, Gon y yo decidimos tomanos los 13 kms al 7,2 que falten con calma, disfrutando de la vista, como se suel dicir. Ye un puertu comodu, polo menos con un 25 atrás, pero hai que llevar agua, qu’hasta casi arriba nun ves una riega de la que se pue beber, y mas arriba entovía un bebederu.

Al paecer hai unes vistes perbones arriba’l puertu (y más fontes), pero los retrasaos nun nos merecemos disfrutales y hai que tirar prontu pabaxu, nun sea q’anocheza.

Pa mi idea que falta otru trozu de señal

Tal vez seya el mes d’escasu entrenamientu que llevo, los menos de 300 kms que fici la semana pasada, pero yo creo que lo que peor mi sento, fue’l aire’n pasando’l cordal. De Ventana a Barrios de Luna la verdá que nun tien munchu misteriu la cosa, rectu pallá, hasta pasar por debaxu esi puente que tantes veces cruzamos y en seguida desviase pa onde diz Pola de Gordón.

Equí la falta de riegu produz cierta tensión, sobretou viendo pa onde xube la carretera. Facemos un asaltu per dos frentes a La Aralla cola esperanza (more…)

Nun pretende esti blog tratar de música xamaiquina, ni muncho menos de necrolóxiques, pero hai coses que merecen ser apuntaes.

Ayeri, 26 de mayu del 2006 morrió Desmon Dekker, auténticu pa del rocksteady y reggae. Igual sin él nin siquiera s’hubiera escritu’l post anterior.

Conocíu mundialmete nel 70 cola canción Israelites, en rialidá ya saltará un añu enantes a les llistes d’esitos, aunque non del anonimatu, n’Ob-La-Di, Ob-La-Da de The Beatles. Sí, esi Desmond, ye Dekker.

*** King Of Ska ***

Take your time, take time for the king is back
Take your time, you’ve got to know that the king is back
Take your time, beware, for he’s right on top
Take your time, you’ve got to know that the king is back

Don’t rush it, man, you will surely lose it
I am going to burn your skin like a blazing fire

So take your time, take time for the king is back
Take your time, you’ve got to know that the king is back
Take your time, beware, for he’s right on top
Take your time, you’ve got to know that the king is back

I want you to know who’s the king of the ska
The king of the ska is right here on top

(…)

So take your time, take time for the king is back
Take your time, you’ve got to know that the king is back
Take your time, beware, for he’s right on top
The king is back, right here, and he’s right on top

Van 25 años dende la muerte de Robert Nesta Marley, y nun ye razón pa que yo nun lleve toa la vida sintiendolu. La música del tercer mundu, inspiración de bien d’estilos musicales, nunca nun tuvo un autenticu representante fasta y probablemente dende Bob Marley.

Convertíu en iconu y imaxen comercial, nun quiero seguir col homenaxe y siguir diendo’n contra de les sos creencies rastafaris, qué muchos confunden esclusivamente con drogues y banderes tricolores que nun saben ubicar, y voi esperar al 6 de febreru pa celebrar el so nacimientu.

Five days to go working for the next day
Four days to go working for the next day
Say we got three days to go working for the next day
Two days to go working for the next day
Say we got one day to go working for the
Everyday is work, work, work, work

We can make it work
We can make it work

inauguro la web con una bona caleyada. Nun son pocos los que saben lo que me presta la zona Fuensanta, nun hai meyor escusa que dir a llenar el bote pa aprovechame y, pocu a pocu, meteme per eses caleyes.

una d’elles, la que xube direcion al mayau pastor ya ta mediu esplorada, aunque espero que pal veranu puea llegar lo más arriba posible. Pero’l otru día dime cuenta de la pista que va paralela al ríu, nun se si ye que taba cegáu cola pendiente de la que va monte arriba, pero el casu ye que hasta’l otru día que fui con ales nun me meti por ella, pero sólu vimos el principiu, hasta dexar atrás la nave de la embotelladora.

por fin, el sábadu, cola compañia de Ania y Armando, pusi rumbu a fuensanta cola intención de siguir esi camín, que según los cartelos, habría llevame a Piloñeta siguiendo’l cursu’l ríu Pra, pasando pel palaciu La Ferrería.

Cruzamos la puente y garramos el camín de grava fasta una portiellona que va dar al palaciu.

al paecer ye del opus y de veranu van ellí guah.es de campamentu. Así a primera vista paecerá un rollu, pero ye que al llau’l palaciu hai una piscina, una panera, una cancha tenis, picaderu caballos…

Dempues de dar unes vueltes per ellí sin saber pa onde tirar, decidimos desmontar de les burres y dir per un camin de piedra monte pallá. En cuantu pudimos montar otra vez, alcontramonos con un cruce… ania piensa que lo meyor ye dir pa la derecha, a ver si salimos del bosque, pero viendo un senderín de menos d’un metru d’anchu, llenu fueyes y oricios a la izquierda…. la decisión taba clara.

(more…)